Misaka na sa dul-an 1,500 ang gidaghanon sa mga namatay sa duha ka kusog nga linog nga miigo sa Venezuela, samtang nagpadayon ang search and rescue operations alang sa mga nawala.
Gipaspasan sa mga rescue team ang ilahang pagpangita sa mga survivor aron maluwas gikan sa mga nahugno nga building, diin ang pipila ka timailhan sa kinabuhi naghatag pa og paglaom nga adunay mabuhi ubos sa mga debris.
Ang estado sa La Guaira, nga mga 40 kilometros amihanan sa Caracas, mao ang labing grabeng naapektuhan sa kaluha nga linog.
Mipahibalo si President Rodriguez nga gisuspenso pa og usa ka semana ang klase sa mga eskwelahan sa apektadong mga lugar, samtang miingon usab siya nga 75 porsiyento na sa suplay sa kuryente sa La Guaira ang napasig-uli.
Nagpasalamat usab ang gobyerno sa mga boluntaryo nga naghatod og tabang sa mga biktima, apan gihugtan ang pag-access sa pipila ka mga dalan aron malikayan ang grabeng trapiko nga nakababag sa paglihok sa mga emergency vehicle ug rescue teams.
