Padayon ang Department of Energy (DOE) sa pagpatuman sa Fuel Subsidy Program alang sa mga public utility vehicle (PUV) aron makatabang sa pagpagaan sa gasto sa gasolina sa mga drayber.
Ubos sa whole-of-government program nga gihimo kauban ang Department of Transportation (DOTr), Land Transportation Franchising and Regulatory Board (LTFRB), Department of Information and Communications Technology (DICT), ug Land Bank of the Philippines, ang mga kwalipikado nga driver makadawat og P10 nga diskwento sa matag litro sa diesel. Diin adunay limitasyon nga hangtod sa 150 ka litro kada semana, nga katumbas sa gibanabana nga P1,500 nga tinipigan sa ilang gasto sa gasolina.
Sumala sa DOE, ang programa nagtumong sa pagpakunhod sa gasto sa operasyon sa mga drayber sa PUV ug pagtabang kanila nga mapadayon ang ilang inadlaw nga kita bisan pa sa padayon nga pagtaas ug pag-usab-usab sa presyo sa lana.
Sa pagkakaron, kapin sa 2,000 ka mga gasolinahan sa tibuok nasud ang miapil sa Fuel Subsidy Program, nga naghatag og mas lapad ug mas sayon nga pag-access sa benepisyo para sa mga kwalipikado nga drayber sa PUV.
