Makigkita si US President Donald Trump kang Ukraine President Volodymyr Zelenskyy sa sa ipahigayong NATO Summit sa Turkey karong semanaha.
Ang maong panagtigom nagtumong sa pagpadayon sa mga lakang alang sa pagtapos sa gubat sa Ukraine, sumala sa usa ka senior nga opisyal sa Estados Unidos niadtong Domingo.
Gikatakdang moabot si Trump sa summit karong Martes, diin ang iyang unang opisyal nga kalihokan mao ang pakigpulong sa host sa summit nga si Presidente Tayyip Erdogan sa Turkey.
Gawas niini, makigtagbo usab si Trump kang Presidente Ahmed al-Sharaa sa Syria ug mopahigayon og usa ka press conference, matod sa White House.
Usa ka senior nga opisyal sa US, kinsa nihatag og impormasyon sa mga tigbalita ubos sa kondisyon nga dili magpaila, nagkanayon nga mag-atubangay silang Trump ug Zelenskiy karong Miyerkules aron hisgutan ang mga pamaagi kon unsaon pagtapos ang maong gubat.
Dugang pa, gilauman nga awhagon usab ni Trump ang mga nasod nga miyembro sa NATO nga pakusgan pa ug dugangan ang ilang pundo alang sa depensa, sumala pa sa maong opisyal.
