Nabatikos si Bise Presidente Sara Duterte human midumili sa pagkomento bahin sa Pax Silica, ang giplanong AI industrial hub sa New Clark City, Tarlac, nga gipasiugdahan sa administrasyon ni Presidente Ferdinand Marcos Jr.
Sa usa ka video nga gipagawas sa Office of the Vice President samtang ang Bise Presidente naa sa The Hague, siya miingon nga wala siyay ikasulti sa dihang gipangutana bahin sa proyekto.
“Wala, I cannot comment on that,” nga nagpasabot nga si VP Duterte, walay gustong ihatag nga pahayag bahin sa maong proyekto.
Apan, sa wala pa motubag ang bise presidente niana, ni-utro pa kini og pangutana kabahin sa Pax Silica.
Ang Pax Silica usa ka mainit nga hilisgutan sa social media tungod sa mga kabalaka bahin sa posible nga epekto niini sa kalikopan ug komunidad.
Samtang sa ikalima nga State of the Nation Address (SONA), si Presidente Marcos Jr. miingon niadtong Hulyo 27 nga ang proyekto makamugna og dekalidad nga mga trabaho, makapalig-on sa kompetisyon sa industriya sa nasud, ug makapalambo sa ekonomiya.
Ang Pax Silica kabahin sa usa ka 23-nasud nga inisyatibo nga gipangulohan sa U.S., nga nagtumong sa pagtukod og usa ka AI ecosystem pinaagi sa pagtukod og mga data center ug uban pang mga advanced technology facilities.
