Giisip sa World Health Organization (WHO) nga usa sa pinakagrabe nga kaso sa Ebola sa kasaysayan sa Democratic Republic of Congo.
Base sa banabana sa WHO, adunay 3,605 ka kaso sa Ebola sa nahisgutang nasud.
Ang gidaghanon sa mga namatay miabot usab sa 1,587 nga adunay fatality rate nga 44 porsyento.
Ang kasamtangang outbreak tungod sa Bundibugyo strain sa virus.
Kini unang gideklara niadtong Mayo 15, 2026 ug milabaw sa pinakadako nga outbreak tali sa 2018 ug 2020 nga adunay 3,500 ka kaso ug 2,300 ka kamatayon.
Sa pagkakaron, walay naaprobahan nga bakuna o tambal para sa Bundibugyo strain, apan ang Singapore ug United Kingdom nagpalambo og bag-ong bakuna.
Ang Ebola mikaylap pinaagi sa pagkontak sa mga pluwido sa lawas ug nakapatay na og kapin sa 15,000 ka mga tawo sa tibuok Africa sulod sa halos 50 ka tuig.
