Magdugang og walo ka submersible pump ang kagamhanan sa Dakbayan sa Mandaue, aron ipamutang sa mga lugar nga sagad apektado nga sa baha.
Kini ang gibutyag ni Atty. Sally Malig-on, ang City Administrator sa Dakbayan sa Mandaue, nga nakapamalit na ang kagamhanan og 2-ka mobile suction truck ug laing 2-ka vaccum truck aron maoy gamiton sa pagsulbad sa pagbaha sa pipila ka lugar sa Mandaue.
Matud ni Malig-on, nga lauman nga maabut ang 2 ka mobile suction truck sa usa ngadto sa duha semana sukad sa pagpurchase niini, samtang ang vaccum truck pisoble usab nga maabut human sa usa ka buwan.
Dugang usab niini, lakip sa ipamalit sa kagamhanan aron idugang sa mga flood mitigating equipments mao ang 6-8 ka mga mobile submersible pump aron maoy gamiton sa mga nagkadaiyang lugar ug tunghaan sa Mandaue, aron dili na ihakot-ihakot panahon sa baha.
Samtang nipadala usab og suwat ang kagamhanan sa Dakbayan sa Mandaue aron paghangyo sa Department of Public Works and Highways (DPWH) aron hulaman ang Dredging equipment aron maoy gamiton sa pagdredging sa Tipolo ug Mantuyong Creek.
Tumong sa Kagamhanan sa Dakbayan sa Mandaue, mao ang mapadali ang drain sa mga tubig baha, samtang nagpadayun pa ang pagpatrabaho sa drainage system.
Kini midugang nga dili diha-diha dayun masulbad ang problema sa baha hilabi na sa urbanized areas sama sa Mandaue gumikan kay aduna nay mga imprastraktura nga nakatukod tungod sa modernisasyon, lakip na ang run-off waters.
Hinungdan nga giuna usa nila ang pagpagaan sa gisagubang sa publiko, mao ang magmanage sa baha aron makadugang sa kalangay sa trabaho ug iskwela.
