Ipatawag sa National Bureau of Investigation (NBI) ang upat ka abogado nga giingong nalambigit sa ‘honeytrap’ o plano nga i-frame up si Executive Secretary Ralph Recto aron moatubang sa ahensya sa Agosto 14.
Wala nganli ni NBI Director Melvin Matibag ang upat ka abogado apan miingon nga gikan sila sa susamang law firm sa Ortigas Center.
Sumala sa hepe sa NBI, ang mga abogado ang nag-andam sa mga affidavit alang sa giingong scheme.
Dugang pa ni Matibag nga ang mga kliyente sa upat ka abogado mga dagkong personalidad. Ingon man nga duha sa mga abogado ang ilado ug senior partners samtang ang laing duha bag-o pa lang nga mga abogado.
Una niini, nag-isyu na ang NBI og mga subpoena kang kanhi kongresista Jing Paras ug kongresista Leandro Leviste nga giingong anaa sa luyo sa destabilization plot batok kang Recto.
Mahinumduman nga daghang mga indibidwal ang naluwas sa NBI sa entrapment operation. Daghang mga biktima ang nagbutyag nga si Paras giingong nagtanyag nga mobayad kanila aron magsulat og istorya ug mopirma og affidavit baylo sa kwarta.
Bisan pa, parehong gihimakak nila ni Leviste ug Paras ang mga pasangil batok kanila.
