Nagpabuto ang North Korea og ballistic missile sa wala pa magsugod ang tinuig nga joint military drills sa Estados Unidos ug South Korea nga Ulchi Freedom Shield, nga molungtad og 11 ka adlaw gikan Agosto 17 hangtod 27.
Kini ang ikaduhang ballistic missile test sa North Korea sulod lang sa usa ka semana, nga giisip nga protesta batok sa military drills nga giingon sa Pyongyang nga rehearsal alang sa pagsulong.
Sumala sa Joint Chiefs of Staff sa South Korea, gilunsad ang missile gikan sa Wonsan Area sa sidlakang baybayon paingon sa East Sea, nga nailhan usab nga Sea of Japan, mga alas-6:00 sa buntag Miyerkules. Miabot kini sa gilay-on nga kapin sa 700 kilometros.
Gipahayag sa South Korea nga andam kini nga makigtambayayong sa Estados Unidos aron mapugngan ang bisan unsang probokasyon gikan sa North Korea.
Giawhag usab sa Presidential National Security Council sa Seoul ang Pyongyang nga hunongon ang paglunsad og ballistic missiles, nga gitawag niini nga provocative act nga nakalapas sa mga resolusyon sa United Nations Security Council.
