Iduso ni Presidente Ferdinand R. Marcos Jr. ang pagpatuman sa usa ka programa sa waste-to-energy isip usa ka lakang aron matubag ang nagkadako nga problema sa basura ug makahatag og dugang nga suplay sa kuryente.
Gihimo sa Presidente ang pahayag human sa nakuhang mga basura sa mga agianan sa tubig sa daghang mga lugar, lakip ang Parañaque City, nunot sa pagbaha nga gipahinabo sa Bagyong Maymay ug Habagat.
Matud sa Presidente nga ang pagbaha sa siyudad migrabe human ang basura gikan sa nagkalain-laing mga lugar gidala ngadto sa mga kanal ug nagtipun-og tungod sa taas nga pagtaob.
Busa, gihimug-atan ni Marcos nga ubos sa programa, ang basura himuong kuryente gamit ang teknolohiya.
Tungod niini, nanawagan ang Chief Executive sa mga lokal nga yunit sa gobyerno ug sa publiko nga ilabay ang ilang basura sa husto nga lugar, nga nagpahinumdom ug nagpasidaan nga ang paglabay sa basura bisan asa makahatag og dakong kadaot, labi na sa panahon sa ting-ulan ug pagbaha.
