Miulbo ang tensyon tali sa depensa ug prosekusyon sa tunga-tunga sa cross-examination sa saksi nga si Xylene Mae Del Campo gikan sa Commission on Audit (COA) sa ika-15 nga adlaw sa impeachment trial ni Bise Presidente Sara Duterte karong Miyerkules, Agosto 12.
Diin gisaway ni Prosecution counsel Atty. Lorna Kapunan ang iyang giingon nga pagkabalda sa abogado sa depensa nga si Atty. Kristine Ferrer samtang nagsulti pa ang saksi.
Mireklamo ang depensa bahin sa wala pagtubag sa saksi sa iyang mga pangutana nga direkta nga “yes or no.” Ingon man nga giinsistir usab nga ang abogado sa prosekusyon adunay higayon nga mangutana og mga pangutana sa pagklaro atol sa redirect examination.
‘I’m on cross , your honor, please,” matud ni Atty. Ferrer.
Apan mitubag si Kapunan: “Never mind if you are in cross. There are limits to cross examination. Misleading quesions are not allowed to cross..”
Dinhi na mitingog si Presiding Officer Francis Escudero tungod kay ang iyang giingon nga daw usa ka “generational divide” tali sa abogado sa depensa ug prosekusyon.
Ang tensyon sa Impeachment Court mikunhod gamay sa dihang si Atty. Ferrer miingon nga taas ang iyang respeto kang Atty. Kapunan. Ang pribadong piskal mitubag: “Tapuson nato dinhi..Murag eulogy, your honor, buhi pa ko.”
