Mag-debut ang P-pop group nga SB19 sa Japanese TV sa dili pa ang ilang gipaabot nga pasundayag sa Summer Sonic karong hinapos sa semana.
Ang morning show nga “DayDay,” nagpahibalo nga ang SB19 mahimong live guest sa ilang programa karong Huwebes, alas 10:25 sa buntag (Japanese Standard Time), diin ipasundayag sa grupo ang ilang pinakabag-o nga single nga “Lawless.”
Samtang matod ni Justin, ang grupo naghinam-hinam tungod kay kini ang ilang unang higayon nga mopasundayag sa usa ka Japanese television show, ug si Josh miingun nga dili na sila makahulat nga makita ang ilang mga Japanese fans.
Ang SB19 naa na karon sa Japan human sa ilang mga kalihokan sa Estados Unidos, lakip ang ilang makasaysayanong pasundayag sa Lollapalooza.
Ugma, Biyernes, Agosto 14, ang grupo mopasundayag sa Massive Stage sa Osaka alang sa ilang Summer Sonic debut, ug sa Sabado, Agosto 15, moadto sila sa Pacific Stage sa Tokyo.
Human sa festival, ang SB19 mopahigayon og “I WaS There Thanksgiving Fan Meet” sa Yokohama sa Agosto 18.
