Nominado ang pipila ka mga Filipino artists ug mga indibidwal nga may dugong Pinoy alang sa 2027 Grammys.
Alang sa umaabot nga tuig, duha ka grupo nga gikan mismo sa Pilipinas ug pipila ka mga artista ang nakadawat og mga nominasyon gikan niining prestihiyosong award-giving body.
Ang mga artistang Pilipino nga adunay mga kanta nga gisulat sa lumad nga pinulongan sa Pilipinas aduna usab higayon nga mailhan sa tibuok kalibutan pinaagi sa bag-ong kategoriya sa Grammys: ang “Best Asian Pop Music Performance.”
Apil sa mga nominado si Bruno Mars, kinsa anaa sa unom ka kategoriya—lakip na ang pipila ka mga dagkong kategoriya.
Samtang, si Olivia Rodrigo—nga gitawag og “national cousin” sa mga Pilipino—apil usab sa mga nominado.
Ang iyang pinakabag-ong album, “You Seem Pretty Sad For A Girl So In Love,” nakadawat og nominasyon, ingon man nominado usab siya sa sa nagkalain-laing mga kategoriya.
Samtang, ang “Nation’s Girl Group” nga BINI nominado usab sa kategoryang “Best in Asian Pop Music Performance” alang sa ilang awit nga “Unang Kilig.”
Wala usab nagpa-ulahi ang SB19 kay nominado usab sila sa kategorya nga “Best in Asian Pop Music Performance” sa ilang kanta nga “VISA” nga gisulat sa ilang group leader nga si Paolo.
Ang ika-69 nga tinuig nga Grammy Awards ipahigayon sa Domingo, Pebrero 7, 2027 oras sa US, sa alas 8:00 sa buntag sa Pebrero 8 sa Pilipinas.






