Nanawagan si President Ferdinand Marcos Jr. sa dugang nga mga pribadong ospital nga moapil sa PhilHealth aron mapalapad ang implementasyon sa no co-payment policy ug mapagaan ang pinansyal nga kabug-at sa mga pasyente.
Sa iyang pakigpulong atol sa pagpirma sa Memorandum of Agreement tali sa PhilHealth ug St. Luke’s Medical Center, gihatagan og gibug-aton ni Marcos nga dili ang kakuwang sa kuwarta angay mahimong babag sa pag-angkon sa gikinahanglang serbisyo medikal.
Matud sa Presidente, importante ang lig-on nga pakigtambayayong tali sa gobyerno ug pribadong sektor aron mas mapa-accessible ug mas barato ang healthcare services alang sa mga Pilipino.
Lakip sa mga inisyatiba sa gobyerno ang Zero Balance Billing sa mga ospital ubos sa Department of Health, medical assistance alang sa mga kwalipikadong pasyente, ug pagpalapad sa mga benepisyo nga gitanyag sa PhilHealth.
Gilauman nga pinaagi sa mas lapad nga partisipasyon sa pribadong sektor, mas daghang Pilipino ang makadawat og kalidad nga serbisyo panglawas nga dili kinahanglan mawad-an og dako nga kantidad sa ilang bulsa.
