Human sa 4 katuig nga pagdumala ni President Ferdinand Marcos Jr. sa Pilipinas hilabi na sa natad sa agrikultura ug fishiries, pakyas matud pa ang Presidente sa pagdumala niini.
Kini ang Gibutyag ni Leonardo Montemayor, Former Agriculture Secretary ug Federation of Free Farmers Chairman, napakyas ang presidente sa natad sa agrikultura gumikan kay padayun ra gihapon ang pagtaas sa pag-angkat og bugas ngadto sa gawas sa nasud, lakip na ang padayung pagtaas sa nag-unang palaliton nga nakaapekto sa sector sa agrikultura og sa mga konsumidor.
Taliwala niini, giangkon hinoun ni Montemayor, nga nakatabang usab sa sektor sa agrikultura ang pagpasar sa balaod nga “New Agrarian Emancipation” Act niadtong 2023 sa wala pagpaningil sa mga adunay utang, interest o unpaid amortization, lakip na usab sa pagpanghatag ug luna sa mga benispesyaryo.
Gihimug-atan niini nga nagkataas ang budget sa Agrikultura, apan wala ra kini epekto sa sekto gumikan kay nitaas usab ang numero sa pag-import sa mga nagkadaiyang produkto, gane sa iyang paghinumdom sa nakalabay nga 10 ka tuig moabut lang sa 10% ang i-import sa Pilipinas.
Matud ni Montemayor, nga moabut sa 2.75 Million metric tons ang na-import sa Pilipinas sa unang 6 ka buwan sa tuig 2026 nga matud pa niini maoy pinakataas nga record sa rice importations.
Malaumon usab kini ngadto sa Presidente, nga andam kini nga mopahibalo kung unsa ang tinoud nga sitwasyon sa sekto sa agrikultura, aron masayud ang publiko hilabi na ang mga apektadong sector.
