Mitaliwan ang actor British actor Tim Curry sa edad nga 80, diin matod ni publicist Sean Katz nga namatay ang aktor sa iyang balay sa Toluca Lake, Los Angeles.
Matod pa, nitubag ang pulis sa usa ka tawag nga adunay nakit-ang patay nga lalaki sa iyang balay.
Gikumpirma sa Los Angeles Fire Department nga naningkamot sila sa paghatag og medikal nga atensyon sa biktima apan wala siya maluwas.
Ingun man wala gihatag sa mga awtoridad ang hinungdan sa kamatayon sa aktor, apan niadtong 2012, na-stroke siya ug naglisod sa panglawas sulod sa daghang katuigan.
Nailhan siya sa iyang mga papel sa 1975 nga pelikula nga “Rocky Horror” ug sa fantasy film nga “Legend.”
Samtang sa dekada 1990, nailhan siya sa iyang papel isip demonic clown sa “IT.”
Natawo si Timothy James Curry niadtong Abril 19, 1946 sa Grappenhall, England, diin ang iyang amahan usa ka chaplain sa Royal Navy, ug sa dihang 12 anyos pa lang siya, namatay ang iyang amahan human na-stroke.
Nibalhin sila sa London diin nakahukom si Curry nga mahimong aktor ug nakadawat og degree sa kolehiyo sa teatro niadtong 1968.
Ang iyang unang papel mao ang usa ka produksiyon sa “Hair” ug pagkahuman niana gitanyagan siya og serye sa mga pelikula.
