Human sa iyang dominanteng kadaugan batok kay Mary Stoiana sa Round 1 sa US Open pinaagi sa iskor nga 6-1, 6-2, moabante ang Pinay tennis star nga si Alex Eala sa Round 2 aron ikasangka ang Ukrainian nga si Oleksandra Oliynykova.
Paspas nga gitapos sa 20-anyos nga Filipina ang iyang unang sangka human niya gipahamtang ang impresibong pagkontrolar sa dula batok sa Amerikanang kaatbang.
Pinaagi sa iyang maabtik nga mga depensa ug direktang atake, gipakita ni Eala ang iyang kalmado apan agresibong estilo aron segurado nga maangkon ang luna sa ikaduhang hugna sa maong prestihiyosong nga torneo.
Mas nahimong kulbahinam ang umaabot nga sangka tungod kay usa kini ka rematch tali kang Eala ug Oliynykova, diin sa katapusan nilang pag-abot sa Strasbourg, nagmalampuson ang Ukrainian human sa usa ka serye sa duha ka oras nga tulo ka set, 3-6, 7-5, 6-3.
Ang ilang Round of 64 nga duwa ipahigayon sa bantogang Louis Armstrong Stadium sa New York City karong adlawa, Septiyembre 3, 2026, alas 11 sa gabii (oras sa Pilipinas).
