Naghinam-hinam na si Philippine tennis sensation Alex Eala nga makasinati pag-usab sa kulbahinam nga atmosphere sa Asian Games human sa iyang ikatulong hugna nga pagkapildi sa US Open.
Ang 21-anyos nga tennis star gilauman nga mahimong paborito nga modaog sa gold medal sa women’s singles sa Games sa Japan karong Septiyembre 19.
Sa miaging Asian Games niadtong 2023 sa China, nag-uli si Eala og duha ka bronze medal gikan sa singles ug mixed doubles category.
Dako na ang kausaban sa karera ni Eala sukad niadto, naghimo kini og kasaysayan sa miaging bulan isip unang Pilipina nga nakakuha og WTA singles crown, ug kasamtangan na nga rank 18 sa tibuok kalibutan.
Gipahayag ni Eala ang iyang garbo ug kalipay nga nakaduwa alang sa nasud human sa iyang dakong kapildihan sa tulo ka set batok ni American Iva Jovic sa New York.
Matud niya, dako ang iyang paghatag og bili sa mga handumanan uban sa iyang mga kauban sa team, sama sa iyang nasinati sa dihang nakadaog siya og bulawang medalya sa SEA Games sa miaging tuig.
