Gitudlo si taekwondo gold medalist Jeus Gabriel Derrick Yape isip flag bearer sa Pilipinas alang sa closing ceremony sa 20th Asian Games Aichi-Nagoya 2026 karong adlawa.
Gipahibalo ni Philippine Olympic Committee (POC) President Abraham Tolentino ang pagtudlo kang Yape niadtong Sabado, matod ni Tolentino, angayan sa maong dungog ang 22-anyos nga atleta human niya nakuha ang gold medal sa mixed individual virtual taekwondo.
Kabahin si Yape sa makasaysayanong kampanya sa Philippine taekwondo team sa maong Games, diin nakakuha ang grupo og usa ka gold, tulo ka silver, ug usa ka bronze medal, nakadaog usab siya og bronze medal sa Men’s Individual Poomsae event.
Mouban kang Yape sa parada sa mga atleta ang mga silver medalist nga sila si Juliana Mykahil Candelaria, Tachiana Keizha Mangin, Kurt Bryan Barbosa, ug Carlo Paalam.
Ipahigayon ang closing ceremony sa Mizuho Park Athletics Stadium sa Nagoya City sa alas-5:00 sa hapon.
