Duha ka tawo ang milagrosong naluwas gikan sa usa ka hydropower tunnel sa Nepal kapin sa usa ka semana human gibanlas ang maong dapit sa makamatay nga pagbaha, sumala sa taho niadtong Biyernes.
Ang pagluwas sa Trishuli 3A Hydropower Project nahitabo human sa dako ug kusog nga pagbaha sa kasapaan duol sa utlanan sa Nepal ug China.
Ang Energy Ministry misulti sa BBC Nepali nga naglaum sila nga labing menos 42 ka mga tawo ang maluwas sulod sa tunnel human ang mga rescuer nakadungog og mga tingog sayo sa Biyernes sa buntag.
Ang unang naluwas nga si Sanjaya Shah kay dali nga gisakay sa helikopter paingon sa ospital sa Battar sa amihanan-kasadpan sa Kathmandu, samtang ang ikaduhang naluwas nga si Kabir Maharjan nag-andam na usab aron ipadala sa Chhauni Hospital, usa ka ospital sa militar sa Kathmandu.
Sa pagkakaron, nikumpirma ang Nepal og 1,259 ka mga namatay ug 5,083 ka mga tawo ang nawala tungod sa pagbaha sa miaging semana, samtang ang China nitaho og 21 ka namatay ug padayon pang gipangita ang 541 ka tawo.
Sa kinatibuk-an sa duha ka nasud, miabot na sa 1,280 ang nakalas ug 5,624 pa ang nagpabilin nga nawala, lakip na ang 844 ka mga dayuhan o foreign nationals.
