Gikasal na si FPJ Panday Bayanihan Party-list Representative Brian Poe Llamanzares sa iyang uyab nga si Department of Justice (DOJ) Undersecretary Margarita Gutierrez.
Gipahigayon ang ilang kasal sa Santuario de San Jose sa Mandaluyong City gahapon Setyembre 8.
Lakip sa ilang gipili nga mga ninong ug ninang mao sila si First Lady Liza Marcos, Senador Tito Sotto, Manila Mayor Isko Moreno, Quezon City Mayor Joy Belmonte, ug mga prominenteng negosyante nga sila Ramon Ang, Tessie Sy-Coson, ug Lance Gokongwei.
Gipahigayon ang wedding reception sa Foro de Intramuros sa Manila.
Si Llamanzares anak nila ni kanhing Senador Grace Poe ug Neil Llamanzares, ug apo sa mitaliwan nga aktor nga si Fernando Poe Jr.
Samtang, si Gutierrez usa ka abogada ug kanhi modelo, ug anak ni kanhing Department of Justice Secretary ug Ombudsman Merceditas Gutierrez.
