Personal nga mitungha si Vice President Sara Duterte sa Quezon City Hall of Justice Biyernes sa buntag alang sa gikatakdang arraignment sa kasong grave threats nga gipasaka batok kaniya.
Gisugat si VP Sara sa iyang mga tigpaluyo sa gawas sa Quezon City Regional Trial Court (RTC) Branch 98, uban ang iyang igsoon nga si Davao City 1st District Representative Paolo “Pulong” Duterte.
Apan, napakgang ang arraignment human nagpasaka og petisyon ang kampo sa Bise Presidente alang sa Temporary Restraining Order (TRO) sa Korte Suprema aron mapahunong ang dagan sa maong kaso.
Human sa kalihokan sa korte, nakigpulong si Duterte sa iyang mga tigpaluyo aron ipadayag ang iyang tim-os nga pasalamat sa ilang nagpadayong suporta taliwala sa giatubang nga mga hagit sa balaod.
Nagpaabot usab si VP Sara og pagpasalamat sa Bombo Radyo Philippines ug sa publiko sa pagpaambit ug pagpasabot sa iyang mensahe.
