Gipadayag sa mga House prosecutors nga ilang giapas nga mahuman ang pagpresentar sa mga ebidensya batok kang Vice President Sara Duterte—mahitungod sa giingong dili gipatin-aw nga bahandi o unexplained wealth—sa una o ikaduhang semana sa Oktubre.
Sumala ni Bicol Saro Party-list Representative Terry Ridon, ang ilang gihan-ay nga iskedyul magdepende sa posibilidad nga balibaran sa depensa ang 104 ka mga requests for admission nga gisang-at sa prosekusyon.
Gipasabot ni Ridon nga dili na nila kinahanglang paitugpahan o patawgon ang tanang saksi sa ilang listahan kon ugaling giisip na sa impeachment court nga igo ug lig-on ang gipresentar nga mga dokumento.
Lakip sa mga mahinungdanong ebidensya nga giandam sa prosekusyon mao ang mga bank records ug bayad sa buhis nga nalambigit kang VP Duterte, sa iyang kapikas, ug sa mga kompanya nga ilang gipanag-iya.
Sa kasamtangan, nagpabilin ang ka-masaligon sa tibuok grupo sa prosekusyon nga andam na ang tanang gikinahanglang dokumento ug mga saksi sa dili pa mag-Lunes.
