-- ADVERTISEMENT --

Gihulagway sa International Criminal Court (ICC) accredited lawyer nga si Atty. Rameses Victorius Gatchalian Villagonzalo isip usa lamang ka “opinion maker” nga walay aktuwal nga basehan ang saksi nga gipresentar sa kampo sa depensa, dungan sa pag-ingon nga si Bise Presidente Sara Duterte mismo ang bugtong tawo nga angay motestigo aron ipasabot ang isyu sa unexplained wealth.

Sumala ni Atty. Villagonzalo, walay gipresentar nga bisan unsang report ang maong saksi aron unta kontrahon o tubagon ang mga pamahayag sa expert witness sa prosekusyon. Gumikan niini, giisip niya ang maong saksi nga usa ka “non-witness” ug walay igong epekto ang testimonya niini sa kaso.

Dugang pa sa abogado, sa pinakasimple nga estratehiya sa depensa, ang Bise Presidente mismo ang angay moatubang ug mopasabot kon aduna ba gayu’y unexplained wealth o wala, samtang ang ubang mga saksi nga ipresentar walay kapuslanan sa maong punto.

Busa, subling gihimug-atan ni Villagonzalo nga usa ra ka tawo ang gikinahanglan nga motestigo alang sa habig sa depensa kalabot niini—ug kini mao ang respondent mismo.