Nahimong usa ka mahinungdanong buhat sa kabayanihan ang usa ka wala damha nga pagbisita ni Jason Almand, usa ka blood donor gikan sa Texas, kinsang miapil sa “Dugong Bombo 2026: A Little Pain, a Life to Gain.”
Matod ni Almand, nakahukom siya nga modonar gahapong adlwa human niya aksidenteng naagian ang maong kalihokan—ug nakaamgo usab siya nga dugay na siyang angay nga modonar pag-usab isip kabahin sa iyang naandan.
Bisan tuod wala kini giplano, nagpahayag siya og dakong pasalamat alang sa maong higayon ug gidayeg ang impresibo nga gidaghanon sa mga donor nga mitambong sa kalihokan.
Gipasiugda usab niya nga ang proseso paspas ug dili sakit, inay naghatag kini og nindot nga pagbati, tungod sa kahibalo nga nakatabang ang usa ka tawo sa mga Pilipino ug sa uban pang mga tawo.
Nagtuo usab siya nga ang tanan angay nga modonar og dugo aron makatabang, sanglit walay nasayod kung kanus-a mahitabo ang aksidente o masakit ang usa ka minahal sa kinabuhi nga magkinahanglan og blood transfusion.
