Nagpahigayon og operasyon sa pagpangita ang mga rescuer sa Indonesia alang sa 140 ka tawo gikan sa usa ka barkong pasaheroan nga gikatahong nawala sa Java Sea.
Kini human naluwas ang laing 103 ka tawo diin usa kanila ang namatay sumala sa pahayag sa usa ka opisyal sa ahensya sa search and rescue.
Usa ka barko sa Indonesia nga nagdala og 243 ka tawo ang gikatahong nawala human nawad-an og kontak sayo sa buntag niadtong Domingo atol sa daot nga panahon, matod sa ahensya.
Ang barkong Virgo Transport 8 milawig niadtong Sabado gikan sa dakbayan sa Surabaya sa East Java paingon sa Banjarmasin sa South Kalimantan sa wala pa kini mawad-i og kontak.
Apan, tungod sa dili hugot nga pagpatuman sa mga sumbanan sa kaluwasan o safety standards, kanunay nga makatala ang maong nasod og mga aksidente sa dagat.
