Misaka na sa 76 ang ihap sa mga namatay, samtang 13 ang gikatahong nawala ug 43 ang naluwas human nasunog ang barkong pampasahero nga MV June Aster sa kadagatan sa Coron, Palawan, niadtong Setyembre 9, 2026.
Base sa opisyal nga listahan sa mga pasahero ug tripulante, adunay kinatibuk-ang 134 ka tawo ang sakay sa barko 117 niini mga pasahero ug 17 ang mga tripulante.
Gibutyag sa Philippine Coast Guard (PCG) nga nakakuha ang mga rescue team og dugang 41 ka mga patayng lawas niadtong Sabado sa gabii, ug gidala na kini sa pantalan sa Coron.
Ang MV June Aster, nga gipanag-iya sa Atienza Interisland Shipping Lines, naglawig paingon sa Coron gikan sa Baseco, Manila, sa dihang nahitabo ang maong trahedya.
Nagpadayon ang search and rescue operations sa mga nawalang pasahero, samtang nagpahigayon na og imbestigasyon ang mga awtoridad aron masuta ang eksaktong hinungdan sa sunog.
