Gitinguha ni Defense Secretary Gilbert Teodoro Jr. ang pagtukod og “expeditionary navy” aron panalipdan ang mga barko ug mga mangingisda samtang padayon nga gipalambo ang industriya sa kadagatan sa Pilipinas.
Mitambong sa 3rd Balangay Forum ang mga maritime experts, mga opisyal sa gobyerno, ug mga akademiko, diin gipahigayon kini agig pagtimaan sa 2026 Maritime Archipelagic Nation Awareness Month.
Gihisgutan usab sa forum ang pagpalig-on sa “blue economy” sa nasod, diin gihatagan og gibug-aton ni Teodoro ang kamahinungdanon sa pagtutok sa “blue economy” aron mapalambo ang sustainability ug kalamboan.
Dugang pa, gihisgutan ni Teodoro ang hustong paggamit sa mga kahinguhaan sa kadagatan aron masuportahan ang nagkadako nga populasyon sa Pilipinas sa yuta.
