Nagpasidaan ang Estados Unidos nga ang panagbangi tali sa Saudi Arabia ug sa mga Houthi nga gisuportahan sa Iran mahimong mograbe human sa usa ka pag-atake sa missile nga mitumong sa Riyadh sa unang higayon sukad nagsugod ang gubat sa Yemen.
Tungod niini, gipamubo ni US President Donald Trump ang iyang pagbakasyon sa Camp David usa ka hilit nga presidential complex sa rural Maryland aron sa kalit mobalik sa White House.
Wala’y gihimong katin-awan ang White House sa sayo nga pagbalik ni Trump, nga nahitabo samtang nadugangan ang tensiyon sa panagbangi tali sa Saudi Arabia ug sa mga Houthi.
Gani, ang mga Houthi nagkontrol sa dakong bahin sa Yemen ug nakig-away sa mga pwersa sa gobyerno nga gisuportahan sa koalisyon nga gipangulohan sa Riyadh.
Kusog nga mga pagbuto ang milanog niadtong Sabado sa kapital sa Saudi, diin ang usa ka tangke sa gasolina nga nagdala sa logo sa higanteng kompanya sa lana nga Aramco nga nasunog duol sa airport.
