Mosumite sa ilang tubag karong Lunes ang kampo ni kanhi House Speaker ug Leyte Representative Martin Romualdez ngadto sa mando sa Sandiganbayan nga nagmando kaniya sa pagpasabot kon nganong dili siya angay ipailalom sa preventive suspension isip magbabalaod.
Matod sa iyang abogado nga si Ade Fajardo, ang Lunes mao ang gitakdang deadline sa pagsumite sa ilang mga komento ug tubag ngadto sa Third Division sa Sandiganbayan.
Niadtong Setyembre 16, gihatagan ni Associate Justice Karl Miranda si Romualdez og napulo ka adlaw aron pagtubag sa maong kamandoan.
Nag-atubang si Romualdez og kasong plunder nga naglambigit sa giingong mga kickback o komisyon nga mokabat sa P7.44 bilyon gikan sa mga kontraktor ug uban pang partido nga adunay interes sa mga proyekto sa flood control ug imprastraktura.
Niadtong Setyembre 7, giluwatan ang warrant of arrest batok kang Romualdez, kanhi Ako Bicol Representative Zaldy Co, ug duha pa ka tawo.
Kasamtangang natanggong si Romualdez sa male dormitory sa New Quezon City Jail ug una nang mideklarar nga dili siya sad-an sa maong mga pasangil.
