Gihulagway ni Ade Fajardo, ang abogado ni Leyte 1st District Representative Martin Romualdez, ang mando sa Sandiganbayan nga ibalhin ang iyang kliyente gikan sa Cardinal Santos Medical Center ngadto sa Philippine General Hospital (PGH) alang sa usa ka independent medical examination isip usa ka “True heartbreak moment.”
Miinsistir si Fajardo nga seryoso ug adunay igong dokumentasyon ang mga kondisyon sa panglawas nga giantos ni Romualdez, ug dili kini tinuyo nga gipaka-aron-ingnon.
Gipunting niya nga ang kanhi House Speaker adunay mga kondisyon sa panglawas nga daan na niyang gihambin, lakip na ang mga operasyon kaniadto ug ang gitawag nga “silent strokes,” nga gikumpirma na matod pa sa iyang mga doktor.
Samtang, ang psychiatrist ni Romualdez nga si Dr. Lourdes Ignacio, mihatag og testimonya nga ang kanhi magbabalaod nadayagnos nga adunay depressive disorder nga inubanan sa anxiety.
Kini nga kondisyon nalambigit matod pa sa uban niyang mga sakit nga may kalabotan sa kasingkasing ug utok; giresetahan siya og tambal nga imnon ug nagpailalom sa regular mindfulness sessions.
Human sa duha ka adlaw nga pagdungog, gimando sa Sandiganbayan Third Division ang pagbalhin ni Romualdez ngadto sa PGH gahapong adlawa, Septiyembre 12, alang sandependent examination ug confinement.
