Nagpasaka og reklamo ang Philippine Coast Guard (PCG) batok kang Roel Sarmiento, ang kapitan sa MV June Aster, tungod sa pagpanglimbong sa mga dokumento sa publiko kon falsification of public documents may kalabotan sa insidente sa kadagatan sa Coron, Palawan.
Matod ni PCG Spokesperson Commodore Noemie Cayabyab, ang reklamo naggikan sa giingong sayop nga deklarasyon sa gidaghanon sa mga tawo nga sakay sa barko diha sa mga dokumento nga gisumite sa kapitan sa wala pa ang biyahe.
Ang reklamo gisumite ngadto sa Department of Justice (DOJ) niadtong Septiyembre 23 ug ipaubos kini sa pagrepaso sa National Prosecution Service sa dili pa ang posibleng preliminary investigation.
Nag-andam usab ang PCG og dugang nga mga kriminal nga reklamo base sa mga ebidensya nga nakuha atol sa nagpadayon nga imbestigasyon.
Samtang, nagpadayon ang aerial search operations sa kadagatan sa Palawan ug Southern Tagalog alang sa walo ka mga tawo nga nawala, gihisgutan usab ang mga paagi aron mapadali ang salvage operation sa barko.
Base sa pinakaulahing datos niadtong Septiyembre 28, ang insidente miresulta sa 77 ka mga namatay ug 43 ka mga naluwas, samtang walo ka tawo ang nagpabiling nawala.
