-- ADVERTISEMENT --
Nagpahigayon og imbestigasyon ang Philippine Coast Guard (PCG) aron masuta kung aduna bay sayop nga deklarasyon bahin sa karga sa MV June Aster, nga posibleng nakapasamot sa sunog nga mikutlo sa kinabuhi sa 77 ka tawo sa kadagatan sa Coron, Palawan.
Matod ni PCG spokesperson Commodore Noemie Cayabyab, itandi sa mga imbestigador ang aktuwal nga karga sa barko ngadto sa cargo manifest nga gisumite sa kapitan niini nga si Roel Sarmiento.
Pipila sa mga naluwas ang mitaho nga nakadungog sila og pagbuto duol sa cargo hold sa wala pa paspas nga mikaylap ang kalayo.
Lakip sa mga karga sa MV June Aster ang mga motorsiklo, electric vehicles, pickup trucks, ug uban pang mga produkto.
