Nakurat ug nalipay ang mga nanambong sa wala damhang pagpakita sa singer nga si Celine Dion atol sa Paris Fashion Week.
Gikanta ni Dion ang iyang sikat nga awit nga “I’m Alive,” nga gipagawas niadtong 2002, atol sa iyang espesyal nga pasundayag ilalom sa bantogang Eiffel Tower sa Paris.
Human sa iyang pag-awit, mipakita usab si Dion sa runway, diin iyang gipasiugda ang iyang kumpiyansa ug kaanyag.
Kahinumdoman nga nadayagnos si Dion niadtong 2022 nga adunay Stiff-Person Syndrome, usa ka talagsaong sakit sa sistema sa nerbiyos nga makaapekto sa paglihok sa lawas ug pagkontrol sa kaunoran.
Tungod sa maong kondisyon, napugos siyang kanselahon ang pipila sa iyang mga konsyerto ug mopahunong sa iyang mga live performance.
Ang iyang pagbalik sa entablado sa Paris karong tuiga maoy usa ka mahinungdanong higayon sa iyang karera isip mag-aawit, human sa pipila ka tuig nga pagpahuway tungod sa iyang kondisyon.
