Namatay ang usa ka babae sa remote Siberian region sa Irkutsk, tungod sa sakit nga plague, sumala sa regional official, samtang gitaho sa usa ka Russian media outlet nga daghang mga tawo ang gipaubos sa quarantine.
Giila siya sa lokal nga media isip si Darya Shipilova, usa ka 28-anyos nga laboratory technician.
Ang news outlet nga “People of Baikal” nagtaho nga nagtrabaho siya sa Irkutsk Anti-Plague Institute ug posibleng natakdan sa pneumonic plague gikan sa nabuak nga test tube.
Miabot sa 200 ka mga tawo nga posibleng nakahimamat niya ang gipaubos sa quarantine, dugang pa sa maong outlet, apan wala kini naghatag og dugang detalye.
Samtang si Alexei Tsydenov, ang gobernador sa rehiyon sa Buryatia sa Russia, nagtaho sa usa ka social media post kaniadto nga usa ka babaye sa silingang rehiyon sa Irkutsk ang namatay tungod sa plague.
Ang plague usa ka makatakod nga sakit nga dala sa bakterya, ang pneumonic plague hilabihan ka makatakod ug mahimong makamatay kung dili matambalan dayon, sumala sa World Health Organization.
