Padayon nga milaum ang kabanay sa pamilya sa 24-anyos nga lalaki nga gikatahong, gilubong-patay sa luyo nga bahin sa Cebu City Medical Center, sa City Link, Barangay Pahina Central, Dakbayan sa Sugbo, niadtong Lunes, Oktubre 19, 2026.
Matud sa Inahan ni Isaac Viernes, nga si Jennie Viernes, nga nanghinaot siya nga kung kinsa may adunay impormasyon sa nahitabo sa iyang anak, nga unta matabangan sila sa pagsulbad sa kaso.
Iyang gidugang sa panghinaot nga mas maayu nga mo surrender na ang posibleng gabuhat sa brutal nga krimen sa iyang anak nga si Isaac, aron mahatagan na ug hustisya ang pagkamatay niini.
Gihimug-atan usab niini, nga posibleng dili lang usa ang nagbuhat sa brutal nga krimen, gumikan kay nabuhat pa nga isemento ang patayng lawas ug pagbutang sa uling sa paglubong niini.
Sapagka karon, aduna nay mga persons of interest nga nailhan ang kapulisan kalabot sa maong kaso.
Apan, wala pa gibutyag ang ilang mga identidad tungod kay nagpadayon pa ang imbestigasyon ug mga operasyon sa mga awtoridad.
Wala usab gikumpirmar ang posibleng motibo sa krimen, samtang nagpadayon ang pagpangolekta og dugang ebidensiya aron mapalig-on ang kaso batok sa mga posibleng nalambigit.
