Gipadayag sa Philippine Drug Enforcement Agency (PDEA) atol sa pagdungog sa House Committee on Dangerous Drugs nga ang kanhi miyembro sa Bangsamoro Parliament nga si Sultan Edrieza Rimbang wala lang nalambigit isip financier, kon dili giisip usab nga usa sa ‘mastermind’ sa pagsulay sa pagpalusot og ilegal nga droga nga nagkantidad og P3.54 ka bilyon gikan sa Laos niadtong Oktubre 1.
Atol sa pagpanukat ni Representative Leila De Lima, gipangutana niini ang PDEA bahin sa sitwasyon ug papel ni Sultan Rimbang basi sa mga nakuhang taho.
Tubag sa representante gikan sa PDEA, bisan wala pa makahatag og opisyal nga affidavit si Rimbang, ang pagsusi sa mga pamahayag ug affidavits sa uban pang persons of interest nga gidapit sa PNP-CIDG nagtudlo gayod kaniya isip usa sa mga nag-unang utok sa maong kalihokan.
Gidugang usab sa PDEA nga wala pa sila makasugod og direktang pakig-storya o pakighimamat kaniya samtang padayon pa nilang gipangolekta ug gitipon ang dugang mga affidavit ug ebidensya gikan sa ubang mga tawong nalambigit sa kaso.
