Misaad ang House prosecution panel nga mosumite ngadto sa Office of the Ombudsman sa mga ebidensya nga ilang nakolekta batok kang Bise Presidente Sara Duterte nga may kalabotan sa tulo ka mga articles of impeachment nga gibawi.
Matud ni House of Representatives lead prosecutor Atty. Gerville Luistro, wala’y nausik sa ilang gihimong imbestigasyon ug tinguha nila nga motuman sa subpoena sa Ombudsman pinaagi sa pagsumite sa mga ebidensya nga may kalabotan sa giingong sayop nga paggamit sa confidential funds, pagdawat og suborno, ug seryosong mga hulga.
Gipahayag ni Luistro nga giabi-abi nila ang tinguha ni Ombudsman Jesus Crispin “Boying” Remulla nga susihon ang maong mga ebidensya.
Samtang, nagpadayon ang prosecution panel sa ilang pagpangandam alang sa cross-examination sa mga saksi nga ipresentar sa depensa inig padayon sa impeachment trial karong Nobyembre 9.
Gilauman usab nga mosumite ang prosecution karong adlawa Oktubre 23 og pormal nga listahan sa mga ebidensya mahitungod sa nahabilin nga “Article II,” nga naghisgot sa mga alegasyon sa dili katin-awan nga bahandi, mga kalapasan may kalabotan sa Statement of Assets, Liabilities, and Net Worth (SALN), ug uban pang mga kalapasan nga gipasangil kang Bise Presidente Sara Duterte.
