Gikumpirmar sa Philippine Air Force ang pagkamatay sa upat ka mga piloto human sa usa ka “aviation accident” sa Fernando Air Base sa Lipa, Batangas, niadtong, Biyernes, Oktubre 23.
Nagpaabot og pahasubo ang Philippine Air Force ngadto sa mga pamilya sa mga piloto nga namatay sa maong aksidente, nga nahitabo atol sa usa ka paglupad alang sa training flight mga alas 3:51 sa hapon.
“May our fallen aviators’ courage, dedication, and service be remembered, and may their souls rest in eternal peace,” matod sa Philippine Air Force.
Ang duha ka eroplano nahagsa sulod sa lugar sa base; ingon man nga walay laing mga biktima nga gitaho.
“Both aircraft went down within the base perimeter, with no other casualties reported. As a precautionary safety measure all SF-260 aircraft have been temporarily grounded” ” dugang pa sa PAF.
Subay niini, nagpadayon ang imbestigasyon aron mahibal-an ang hinungdan sa insidente, samtang ang tanang eroplano nga SF-260 gipahunong una sa paglupad isip usa ka lakang sa pag-amping alang sa kaluwasan.
