Giawhag ni Roseller Vergara Salvador, ang Kapitan sa Barangay Mambaling, ang tanang lumulupyo sa iyang barangay nga mosuporta ug mosalmot sa umaabot nga Bloodletting Activity nga gipangulohan sa Bombo Radyo Philippines kauban ang Philippine Red Cross.
Sumala ni Salvador, iyang gisubli nga dako kaayo kini nga tabang dili lamang sa panglawas sa mga donor kon dili alang usab sa mga tawo nga hilabihan nga nanginahanglan og dugo.
Gipahayag usab sa kapitan nga ang mga mosalmot ug magpakuha og dugo makadawat og card gikan sa Red Cross ug dugang mga freebies.
Gipunting usab niini nga ang maong card magamit sa mga donors aron dali usab silang makakuha og dugo gikan sa Red Cross sa higayon nga sila o ang ilang pamilya ang nanginahanglan.
Busa, gidapit ug gipahinumdoman pag-usab ni Kapitan Salvador ang tibuok Barangay Mambaling sa pag-adto sa SM Seaside aron sa paghatag sa ilang suporta sa mahinungdanong programa. via Bombo Jun Salde
