Nahimong adunahan ang usa ka 67-anyos nga lola sa Colombia tungod sa iyang talagsaon nga tinubdan sa kita.
Kini mao ang pagbaligya og mga tsismis.
Matod ni Myriam, usa ka “propesyonal nga tsismosa” tungod kay nasayod siya sa tanang matang sa problema sa mga tawo sa iyang palibot.
Gipasigarbo niya nga tukma ang iyang mga tsismis tungod kay tun-an niya kini pag-ayo ug gipang-verify sa ubang mga tawo.
Ingon man nga ang presyo sa tsismis nga iyang gibaligya nagdepende sa kadetalye sa impormasyon.
Diin kasagaran, nagkantidad kini og 5,000 ngadto sa 10,000 ka Colombian pesos, o anaa sa 100 ngadto sa 200 ka pesos.
Apan kung kini naglangkob og eskandalo, mas mahal ang presyo.
Kadaghanan sa iyang mga kliyente mao ang mga bana o asawa nga nagduda sa ilang mga kapikas.
Miingon si Myriam nga tungod sa iyang kita gikan niini, nakapalit na siya og duha ka balay.
