Gideklara ni Colombian President Abelardo de la Espriella ang national state of emergency human sa kusog nga 7.4-magnitude nga linog nga miigo sa kasadpang Colombia niadtong Lunes.
Miingon si De La Espriella nga andam ang tibuok gobyerno sa pagpahigayon sa mga operasyon sa pagluwas ug paghatod og tabang sa mga apektadong komunidad.
Prayoridad sa administrasyon ang pagluwas sa mga tawo nga posibleng natanggong ilalom sa nahugno nga mga estruktura.
Nisaka na sa 111 ang ihap sa mga namatay, samtang 87 ang nasamdan.
Nagpadayon ang search and rescue operations sa nagkalain-laing lugar nga grabeng naapektuhan sa linog.
Sumala sa U.S. Geological Survey, ang linog miigo duol sa San José del Palmar sa probinsya sa Chocó, nga adunay giladmon nga kapin 100 kilometros.
Kusog usab nga nabati ang pag-uyog sa daghang dagkong siyudad sa nasud.
Kini ang unang dakong krisis nga giatubang sa bag-ong administrasyon ni De La Espriella, pipila lamang ka adlaw human siya nanumpa isip presidente.
Mas sensitibo usab ang sitwasyon tungod kay ang silingang Venezuela nag-antos pa sa epekto sa kusog nga mga linog niadtong Hunyo.
