Nakadawat ang probinsya sa Sugbo og P110 milyon gikan sa pondo alang sa pagtabang sa mga komunidad sa ilang pagbangon, lakip na ang pag-ayo sa mga taytayan nga naguba tungod sa nangaging mga linog ug bagyo.
Matod ni Cebu Governor Pamela Baricutaro, kining gigahin nga pondo makatabang sa pagkompleto sa mga programa alang sa pagbangon sa probinsya, ilabi na sa pagtukod ug pag-ayo sa mga taytayan nga wala pa mahuman.
Gipasabot usab sa Gobernadora nga ang P110 milyon gitagana lamang alang sa kagamhanang probinsyal sa Cebu. Aduna usab laing mga alokasyon alang sa 24 ka mga lokal nga unit sa gobyerno (LGUs) nga napamatud-ang naagian ug naapektuhan sa kalamidad.
Dugang pa sa buhatan sa Gobernadora nga ihatag ang kompletong listahan sa tanang LGUs nga natabangan, uban ang kinatibuk-ang kantidad nga naggikan sa maong ahensya.
