California Governor, gibawi ang silot nga kamatayon sa 548 ka piniriso

Gibakwi ni California Gov. Gavin Newsom ang mga sentensiya sa kamatayon nga gipahamtang ngadto sa 548 ka mga piniriso sa maong estado.

Ilisan ang ilang silot nga kamatayon og pagkabilanggo sa tibuok nilang kinabuhi nga walay posibilidad nga makagawas pinaagi sa parole.

Gipahigayon kini nga lakang hapit walo ka tuig human gipahibalo ang pagsuspinde sa tanang pagpatuman sa silot nga kamatayon sa California.

Matod ni Newsom, nahiuyon ang iyang desisyon sa dugay na niyang pagsupak sa silot nga kamatayon, nga iyang gisupak sulod sa hapit tulo ka dekada.

Sukad sa pagbalik sa silot nga kamatayon sa California niadtong 1978, mokabat na sa 13 ka mga piniriso ang gipatay pinaagi sa maong silot.