-- ADVERTISEMENT --
Magpadayon ang Bangko Sentral ng Pilipinas (BSP) sa hugot nga pag-monitor ug pagbantay sa posible nga epekto sa kagubot sa Middle East ug sa hulaw nga dala sa El Niño sa lebel sa inflation sa nasud.
Sumala sa BSP, gitan-aw gihapon ang maong mga sitwasyon isip pangunang hulga nga makapataas sa presyo sa mga paliton ug serbisyo.
Lakip sa mga gidugang nga risgo mao ang posibleng pagmahal sa presyo sa lana sa merkado sa kalibutan ug ang pagkunhod sa ani sa agrikultura tungod sa hulaw.
Nagpahayag ang BSP nga andam sila nga mogamit sa ilang mga monetary policy tools aron masiguro nga magpabiling stable ug kontrolado ang inflation rate sa nasud.
