Gisugdan na ni Pope Leo XIV ang iyang pagbisita sa pipila ka nasod sa South America aron hisgotan ang nagkalain-laing mga isyu nga giatubang sa rehiyon.
Ang iyang 12 ka adlaw nga pagbisita magdala kaniya ngadto sa mga lugar nga adunay daghang populasyon sa mga Katoliko, nga sa pagkakaron nag-atubang og grabeng kagubot sa politika.
Diin ang unang gihunungan sa Papa mao ang Uruguay, usa ka nasod sa Latin America nga nailhan tungod sa lig-on niining demokrasya. Ingon man nga gisalmotan kini og liboan ka mga deboto.
Gikan didto, gikatakda siyang mobiyahe paingon sa Argentina ug Peru. Kini nga biyahe giisip nga usa sa labing mahagiton nga mga pagbiyahe sa gawas sa nasod nga gihimo sa usa ka lider sa Simbahang Katoliko sa bag-ohay nga mga dekada.
Mahinumdoman nga ang 71-anyos nga Papa nagpaubos sa operasyon sa baga niadtong miaging bulan lamang. Ang Vatican nagpabiling malaumon nga magpadayon ang iyang pagkaayo ug nga dili na kinahanglan ang bisan unsang espesyal nga mga pag-amping sa panglawas atol sa maong biyahe.
Si Papa Leo XIV gikatakdang mobisita sa napulo ka siyudad ug mohatag og kinatibuk-an nga 36 ka mga pakigpulong ngadto sa mga tumatuo nga Katoliko.
