24 Patay sa pagbangga sa trak ug bus sa India

Patay ang 24 ka tawo human magkabangga ang usa ka trak ug usa ka pampasaherong bus sa amihanan-sidlakang bahin sa India.

Nahitabo ang maong trahedya duol sa Kaziranga National Park, usa ka iladong UNESCO World Heritage site sa estado sa Assam.

Dali nga gidala ang mga naagol ngadto sa Jorhat Medical College and Hospital.

Matod ni Rural Development Minister Atul Bora, pipila sa mga nakalas mga estudyante sa kolehiyo.

Nagpadayon pa ang imbestigasyon sa mga awtoridad aron masuta ang nag-unang hinungdan sa maong insidente.