-- ADVERTISEMENT --

Nakamugna og titutlo sa Guinness World Records ang 9-anyos nga si Laura Voigt gikan sa Brazil isip pinakabatang babaye nga nakahuman sa skateboard mega ramp vertical drop descent ug 305 ka adlaw, human malampusong nilusot sa kapin 30 feet o siyam ka metros nga taas nga ramp sa Greenbox facility sa Curitiba, Brazil, kansa nakaabot sa gibanabanang 40 kilometros matag oras ang iyang gikusgon samtang nagpabiling balanse sa iyang skateboard.

Nagsugod si Laura sa skateboarding sa edad nga 6 anyos ug miagi sa grabeng pagpangandam ug pagbansay, lakip ang pag-adto pa sa California, Estados Unidos, aron mahanas sa paglusot sa taas ug paspas nga ramp. Gisuportahan usab kini sa iyang pamilya, mga coach ug mga bantugang skateboarder, lakip ang mga Olympic medallist nga mitambong aron mosaksi sa iyang rekord nga kalampusan.

Giila mismo sa Guinness World Records adjudicator si Natalia Ramirez tungod sa iyang talagsaong kaisog, balanse ug teknikal nga kahanas, samtang gipasiugda ni Laura nga ang kugi nga pagbansay, pagpailob ug dili pagsurender sa mga kalisdanan maoy importante aron makab-ot ang usa ka damgo.