CEBU – Human nipalabang og resolusyon si Cebu City Councilor Rey Gealon nga nagdayeg sa Cebu City Police Station 2 o Abellana Police Station human kini bag-o lang giproklamar nga “Best City Police Station” sa Central Visayas.
Gikwaan ug habig sa Bombo-Radyo News team si Cebu City Councilor Rey Gealon ug matud niini, nga ang usa ka resolusyon nga gisagop sa konseho niadtong Septiyembre 21, 2022, ang pagkab-ot sa Abellana Police Station mopadala og “strong signal” sa tanan nga ang Cebu City sa kinatibuk-an usa ka luwas ug hapsay nga puy-anan sa tanang panahon.
Kini human ang estasyonan nakadawat sa pasidungog atol sa pagsaulog sa ika-121 nga Police Service Anniversary sa Philippine National Police.
Subay niini gi-kwaan og habig sa Bombo radyo newsteam ang Abellana Police Station ubos sa pagpangulo ni Police Major Nolan Tagsip.
Gibutyag sa opisyal, nga aduna silay gibuhat nga “focus police operation”, kung diin ilang gihingusgan ang ilang kampanya batok sa illegal drugs, illegal gambling,warrant of arrest ug Loose firearms.
Dugang pa, nga iyahang gilantaw kung asa nga field maayu ang iyahang mga sakop arun sa ingun makahatag kinig mas maayu nga performance og maka focus sa ilang buhaton.
Hinungdan nga usa kini sa mga rason nga nahimo silang “Best City Police Station” sa Central Visayas.
Nasayran nga nalabwan sa Abellana Police Station ang ubang mga police station sa rehiyon atol sa awarding ceremony sa Police Regional Office-Central Visayas headquarters sa Cebu City.
