Gilimod sa abogadong si Petrchie Rose Espera nga mi-notary kini sa giandam nga affidavit ni Orly Regala Guteza kinsa nagpailang kanhi sakop sa PH Marines ug bodyguard ni Ako Bicol Partylist Rep. Elizaldy “Zaldy” Co sa nahitabong Senate Blue Ribbon Committee hearing niadtong Huwebes, Septiyembre 25, 2025.
Kini human matod pa ni Espera ng ang iyang pirma ug notarial details kay mga “falsified ug unauthorized” ingon man nga naghingan sa dokumento nga bakak, malimbongon, ug makadaot.
Dugang pa niini nga iyang gi-categorically deny ang pag-notaryo, pagpirma, ug pagpartisipar sa preparasyon sa maong dokumento nga gipadangat sa abogado pinaagi sa liham niini sa usa na news network sa kaulohan aron ma-take down ang post sa social media.
Kahinumduman nga mismong si Senador Rodante Marcoleta ang midala kang Guteza sa pagdungog nga matod pa gipaila-ila lang kaniya ni kanhi kongresista Michael Defensor.
Sa maong affidavit, giangkon niini nga adunay 46 ka mga maleta ang puno og kwarta nga gitawag nila og “basura” aron ideliver kang Zaldy Co ug kanhi House Speaker Ferdinand Martin Romualdez.
