CEBU CITY-Gisusi ni Cebu City Acting Mayor Raymond Alvin Garcia ang socialized housing Medium-rise Building (MRB) 2 nga nahimutang sa Barangay Lorega San Miguel,kini aron sutaon ang kahimtang karon sa building.
Gihatagan og gibug-aton sa acting mayor ang kamahinungdanon sa pagkompleto ug pagpadali sa pagtukod sa proyekto.
Kini mahitungod kay gipasiugda ang pasalig sa siyudad sa pagpalambo sa imprastraktura sa pabalay ug pagtubag sa mga panginahanglanon sa komunidad.
Sa pakighinabi sa Bombo Newsteam kang Cebu City Acting Mayor Raymong Alvin Garcia nadismaya siya a kalangan a pagtapos sa proyekto apan nanghinaot nalang kini nga ang maong Medium Rise Building kabahin sa padayon nga mga paningkamot sa paghatag og malungtarong solusyon sa pabalay sa dakbayan sa Sugbo.
Dugang pa sa acting mayor nga human og ma re-bid ang maong proyekto kay mulangkob sa 8 hangtud sa 12 ka buwan usa matapos ang maong edipisyo.
Kining agig proactive nga pamaagi nga nagpasiugda sa dedikasyon sa siyudad sa pagpauswag sa mga inisyatibo sa pagpalambo sa ug pagsiguro sa kalidad nga imprastraktura para sa mga konstituwente sa dakbayan.
